Galinus, Taller de Novos Medios

VídeoHistoria: 1

O noso goberno autonómico, a Xunta de Galicia, presenta un OS libre e en galego: Galinux.

O lanzamento faise acompañado dunha forte campaña en  prensa, radio, televisión e internet
Isto provocou unha cascada de chamadas telefónicas de amigos e familiares para saber en que andábamos metidos. As primeiras, por suposto, foron as das nosas nais.
Decidimos facer un vídeo para que quedase claro que nós non tiñamos nada que ver co tema da Xunta e para evitar futuras confusións. O mellor era cambiar o nome… un dos dous.
 

VídeoHistoria: 2

Por motivos operativos, cambiamos de oficina en Corcubión; da milla de oro pasamos á Prazoleta.
Non tiñamos furgoneta para a mudanza, e as oficinas están ben cerca.
Decidimos utilizar a forza bruta e Aymara encargouse de dixitalizar o proceso e darnos a idea para un novo vídeo.

Graciñas Ayma, polo tempo que pasaches con nós.

VídeoHistoria: 3

Nestes últimos anos construímos en Corcubión unha vida e un proxecto empresarial.
A xente non tiña moi claro a que nos dedicabamos, polo que decidimos facer unha serie de entrevistas para saber que pensan de Galinus os nosos amigos e veciños da vila.
O resultado foi unha curtametraxe de quince minutos. Logo fixemos unha estrea a nivel mundial no bar O Pazo, con entregas de premios e pinchos, como todo evento que se prece. Aqui podes ver o vídeo completo da curtametraxe e as repotaxes da estrea mundial

Este é o tráiler co que anunciabamos a curtametraxe. Dicir que, despois disto, aínda xurdiron máis dúbidas sobre a qué se dedica Galinus.

VídeoHistoria: 4

Un dos problema que ten a nosa actividade é que non vendemos nin compramos produtos físicos, polo que a xente cústalle entender que facemos.
Outra cousa que lles custa asimilar a xente é o por que de estar na Costa da Morte.

Un posto no mercado dominical de Cee foi o lugar máis axeitado para mostrar os nosos produtos ao público; así que fixemos un vídeo simpático para mostrar a festa que hai todos os domingos na vila da Xunqueira.

O noso traballo chamou a atención da Televisión de Galicia, que nos sacou en directo e realidade e ficción fundíronse.

BonusTrack: O nadal

As vacacións, os regalos, as postais…

As postais gústannos, pero tamén preferimos darlle un toque diferente.

Outros anos, con menos tempo para a produción, decidimos facer algo máis estático….pero igual de Friki