Galinus - Desenho centrado no usuario- Informática para as pessoas

Artigos relacionados

Passeios cognitivos para a web com análise semântica latente.
Como calcular a semelhança semântica entre os objectivos de um usuário e a informaçom que tem ao seu dispor numha página web. Relacionado com o rasto de informaçom.

Ver máis artigos

Rastreio de informaçom: como aplicá-lo na web

Introduçom

O rastreio de informaçom ('information foraging') é um modelo teórico que tenta explicar o comportamento das pessoas quando procuram informaçom. É umha teoria complexa e neste artigo vamos centrar-nos nos aspectos de aplicaçom mais directa à web.

As pessoas como depredadores de informaçom

A teoria do rastreio de informaçom foi idealizada por Pirolli e Stuart Card a princípios dos 90 nos laboratórios PARC. É muito similar ás teorias de forragem utilizadas em biologia e antropologia.

A teoria estabelece que as estratégias de procura de informaçom estám determinadas polo benefício obtido (relevância da informaçom encontrada) em funçom do esforço preciso para encontrá-la e interpretá-la. As pessoas escolhem a estratégia que consideram de máximo benefício por unidade de custo ou esforço.

O espaço informativo em que se produzem estas estratégias está formado por áreas de informaçom (páginas de um sítio web, resultados de umha procura, colecçons de posts, etc). As pessoas procuram a área informativa que satisfaça as suas necessidades, movendo-se entre área e área até encontrarem o que precisam.

No movimento entre área e área introduze-se o conceito de rasto de informaçom ('information scent')

Rasto de informaçom

O rasto de informaçom é a percepçom imperfeita do valor, custo ou rota de acesso a fontes de informaçom baseado nas pistas que dam objectos tais como citas bibliográficas, ligaçons ou ícones representando as fontes.

As pessoas utilizam o rasto de informaçom para decidir em que ligaçom fazem clic. Quanto maior seja o rasto de um objecto, mais simples será para a pessoa tomar a decisom. Caso contrário: se umha página tem objectos com rastos de semelhante intensidade, provocaremos confusom; se nom há rasto de informaçom, a pessoa abandona a página.

Umha vez que um usuário entre no nosso sítio web, é preciso oferecer-lhe um rasto de informaçom claro para que o usuário sinta que a cada passo que dá aproxima-se depressa da informaçom que precisa. Se o rasto se mantém constante (dando a sensaçom de dar rodeios sem chegar a nenhures) ou diminui (afastar-se da 'presa informativa') , o mais provável é que a pessoa abandone a página.

Por que cuidar o rasto de informaçom

Como nota Jakob Nielsen, a melhora dos pesquisadores e a popularizaçom da banda larga tem modificado o comportamento dos usuários, que passam menos tempo nas páginas.

Anos atrás as descargas eram lentas, cobrava-se por tempo de ligaçom e os resultados das procuras eram piores. Todo isto fazia com que as pessoas analisassem com mais cuidado as páginas a que acediam. Agora fazem umha pesquisa e procuram logo o que querem entre os primeiros resultados da pesquisa. Se nom o encontram na nossa web, voltam aos resultados e experimentam com outro resultado.

Se a informaçom está na nossa web, mas o caminho que leva a ela tem rasto de informaçom débil, os usuários provavelmente experimentarám noutro sítio.

O que fazer para oferecer aumentar o rasto de informaçom

Identifica as palavras 'trampolim' e utiliza-as nas ligaçons. Peneira toda a informaçom possível sobre os usuários (mensagens de correio, estudos de campo, teste com usuários, etc.) para encontrar as palavras mais comuns relativas à temática da web.

Jared Spool chama estas palavras de 'trigger words', que aqui traduzimos por palavras trampolim':chamam muito a atençom e incitam a fazer clique nas ligaçons que as contenhem.Trata de utilizá-las nas ligaçons quando for possível (nota:o usuário espera encontrar essas palavras na página a que levam as ligaçons).

Ligaçons longas. Que contenham entre 5 e 12 palavras.

Informaçom complementar em lugares de destaque. Coloca ligaçons a outras páginas da web que tenham informaçom relacionada.

Conteúdo mínimo, directo e bem estruturado. Nom enterres o conteúdo em documentos muito longos e densos. Se tés um documento demasiado longo, divide-o em vários documentos ligados de modo sequencial ou cria um índice que permita identificar e mover-se depressa polo conteúdo.

Desenha a web pensando no conteúdo, nom na estrutura global. Trata de complementar a visom geral do sítio web com umha visom individual das páginas mais importantes. Centra-te no conteúdo único de cada página e obvia o resto (menus de navegaçom globais, locais, etc.). Esta visom dar-che-á umha ideia mais clara das relaçons entre as páginas individuais de um sítio web.

Estuda as estatísticas do sítio: Por que pesquisas entram numha web? De que ligaçons externas venhen? Para onde vam umha vez chegados? Ajudar-che-á a compreender os usuários e fazer ajustes nas páginas que facilitem o caminho ao que procuram.

Ligaçons