xeral[arroba]galinus.com

Artigos de Galinus >

Seis razóns para non utilizar Flash

Introducción

¿Por que a xente asocia páxinas web en Flash con páxinas web de maior calidade? é normal que cando preguntemos prezos, se nos dan a opción de facela en Flash, sempre será pagando máis.

¿Por que o cliente decide pagar máis e facela en Flash? pola espectacularidade gráfica, sen dúbida. Ademáis, no país aínda falta criterio para valorar axeitadamente a función dunha web e parece que canto máis "derroche de virtuosismo fogueteiro" (Galloso dixit), mellor.

A nosa pregunta é ¿é correcto isto? temos 6 razóns para pensar que facer unha web en Flah é un erro grave.

Razón 1: Os buscadores dan menos importantancia ó contido en Flash

Antes, nin sequera lían a información dos ficheiros Flash. E aínda que xa o fagan, polo de agora ten máis relevancia a mesma información se está en HTML. Se queres que a túa páxina saia das primeiras nos buscadores, fuxe de Flash.

Amplía información en

• Discusión sobre Google e Flash

Razón 2: Cada web implica unha interfaz distinta.

Cando traballamos en HTML o elementos da web son estándar: texto, imaxes, ligazóns e formularios. Cando o usuario entra na web é capaz de recoñecer o comportamento da páxina porque está afeito a eses elementos estandar. Non teñen que pensar para saber como funcionan os elementos da páxina web.

Flash, por outra banda, dá unha facilidade moi grande para crear botóns e animacións moi elaboradas. Pero cada deseñador sigue os seus propios criterios. Como consecuencia, vémonos moi a miudo pasando o rato por enriba dos elementos da web tratando de averiguar como funcionan.

Hai máis posibilidades de que o usuario abandoe a páxina web se non asimila axiña o o seu funcionamento.

Razón 3: Crea dependencia dun formato non estándar

Flash depende das decisións comercias de empresa creadora: Macromedia.

¿Que pasaría se Macromedia decidise actualiza-los módulos dos navegadores para unha nova versión de Flash sen ter en conta a compatibilidade coas páxinas web feitas con versións máis vellas?

Moitos de nós estamos afeitos a unha situación parecida cos continuos cambios de formato do Word. Moitos documentos creados co Office para XP non poden ser abertos con versións vellas. A compañía forza ós usuarios a pasarse a última versión do Word.

Unha situación similar forzaría ós propietarios das webs con Flash a contratar de novo a unha empresa para face-lo cambio.

Amplía información en

• my web is estandar! and yours?

Razón 4: Maior dependencia da compañía que fixo a web

Flash non é estandar, pertence a Macromedia. HTML é estandar, non pertence a ninguén. Polo tanto, hai moita máis xente que traballa con HTML que con Flash. Á hora de renova-la nosa web ou correxir erros, hai moita máis xente preparada para o traballo se temos utilizado HTML no canto de Flash.

Razón 5: Tendencia natural a centrarse nos "fogos de artificio"

Dado que co Flash é moi doado facer animacións espectaculares e maquetacións de páxina complexas, os deseñadores adoitan centrase nesa potencia para facer web moi rechamantes. Déixanse a unha beira aspectos como facilidade de uso, fundamental para toda web.

Amplía información en

• I don´t hate Flash; I just hate what it does to designers

Razón 6: Perda de control polo navegador

O navegador interpreta os elementos feitos en Flash coma un obxecto distinto de HTML. Algunhas opcións dos menús do navegador son distintas para Flash e HTML. Perdese coherencia na interfaz e, polo tanto, unha navegación máis incomoda.

Exemplos:

• Facendo clic no botón dereito do rato sobre un elemento feito en Flash (sinto o exemplo, pero é moi ilustrativo), teremos o menú desplegable con opcións "ampliar"," reducir", "rebobinar, etc" e non os esperables de "Gardar enlace", "Abrir enlace en ventana nueva", etc.
• Entramos nunha web feita enteriamente con Flash e navegamos ata chegar a unha sección interesante. Queremos engadila ós nosos favoritos, pero so podemos facelo co enderezo inicial, sen poder ir directamente á sección que nós queremos.

Conclusións

Cremos que hai razóns de abondo para decantarse polo HTML á hora de facer unha páxina web: custe incial, mantemento más sinxelo e maior aproveitamento da web. Hai outros temas como a accesibilidade que non tratamos. Se sabes algo sobre Flash e Accesibilidade e queres facer unha suxestión, escríbenos.

Tampouco quere dicir que non poidamos utilizalo. Hai moitas situacións no que pode ser moi útil: cando precisamos elementos multimedia de apoio que requiren interactividade avanzada co usuario e precisan de boa calidade gráfica, non face-la web enteira con Flash.

Podes visitar a discusión Flash ¿Cuál es el problema? e coñecer outros puntos de vista.

Deixamos un exemplo dunha páxina que se podería ter feito en HTML ¿Que razón levou a empresa a facer esta páxina en Flash?

Escolma de ligazóns

• Discusión sobre Google e Flash
• My web is standar! and yours?
• I don´t hate Flash; I just hate what it does to designers
• Flash ¿Cuál es el problema?
• Presentación en Flash con erros bastante comúns