O Galinheiro

Un cliente potencial contacta connosco para crear unha nova web corporativa e organizar e mellorar a comunicación online. Após a fusión de duas empresas do sector, a nova dirección decide darlle moita importancia ao programa de fidelización de clientes, que teñen claro como organizar offline pero que non saben como desenvolver na web. A súa idea inicial é ofrecer contidos especiais na parte privada de clientes: formación, lexislación e documentos prácticos sobre o sector. Os contidos da parte pública ficarían reducidos á información corporativa, aos seus productos e ás novas.

Vendo que a maior parte dos contidos de interese e con máis potencial para atraer visitas estaría ocultos, a nosa recomendación foi publicar absolutamente todo. “se é así, que valor engadido damos ao nosos clientes?”, preguntaron. Nese ponto retomamos a Goldhaber e súa tese sobre que a atención trátase da conexión entre persoas a través das palabras, é dicir, que cando prestamos atención a uns contidos o que facemos é, en realidade, prestar atención á persoa que os crea.

Como nesta empresa existen diversos product managers que coñecen moi ben o seu campo, propuxemos utilizar os contidos para que os clientes poideran contactaran directamente con eles utilizando, ademáis, a arquitectura da información para unha segmentación “orgánica” da audiencia, para crear esa conexión cliente-product manager en pontos da web onde se traten temas concretos que axilicen o intercambio de información.

O mecanismo é bastante sinxelo: unha persoa chega a un documento que trata un tema concreto e xurde unha dúbida; se esta persoa é cliente pode facer login e enviar a súa pregunta, que recibirá un product manage xunto coa URL do documento desde o que se enviou, para definir mellor o contexto. Se esta persoa non é cliente, vería unha mensaxe de gancho e unha ligazón a unha páxina onde se lle explicaría as avantaxes (online e offline) de ser cliente da empresa.

Unha mágoa que non gostaran de idea e que estiveran máis empeñados en ofrecer funcionalidades como valor engadido, porque era un proxecto ben bonito. Seica aquí o consultor ten que aprender a ser máis convincente para a próxima vez.