O Galinheiro

Esta guía está baseada na charla ofrecida por Daniel Cerqueiro, xerente de Galinus, nas II Xornadas de Turismo e Tecnoloxías da Información.

Podes utilizar esta lista como unha referencia para ir comprobando aspectos importantes para ter en conta á hora de contratar unha web. É libre para a utilizar, redistribuir e modificar segundo os límites da licenza Creative Commons “Recoñecemento-Compartir Igual 2.5″.

1 Sabemos cal é o noso público? temos estudos de mercado?

Nós podemos coñecer perfectamente cal é o publico ao que nos queremos dirixir, pero iso non implica que a empresa concesionaria si.

Escolma toda a información ao respecto que teñas e organízaa para a presentaren á empresa. Se non hai tal información é un bo momento para comenzar a traballar nela, pero sempre traballando con axilidade; lembra: algo sempre é mellor que nada.

2 Cal é o noso obxetivo?

Alén de “ter a nosa propia web”, pensa en obxetivos concretos, como potenciar as reservas de habitacións pola rede, reforzar a campaña de marketing de radio, prensa e televisión, mellorar a atención ao público cunha web de axude e resolver os problemas mais comúns, etc.

Ao mesmo que pasa co ponto 1.1, canto mais claro deixemos á empresa o que queremos, mais garantias haberá de que resolvan o problema.

Organiza unha xuntanza na tua empresa ou institución para plantexar os obxectivos concretos que pretendedes acadar.

3 A empresa está disposta a un desenvolvemento iterativo?

Neste ponto queremos asegurar que haberá unha comunicación fluida durante o desenvolvemente. A empresa débenos proporcionar mostras concretas do traballo durante o proceso coas que poder discutir, amendar e mellorar a web final.

Inventorio de contidos e funcións, mapa do sitio, deseños visuais e prototipos web son algúns dos documentos desexables aos que ter acceso.

4 A empresa entende e comprométese a ter en conta a optimización para buscadores?

Asegurate de que a web vai ter URLs e código XHMTL optimizado para buscadores e que non se van utilizar tecnoloxías como Flash mais que para o estrictamente necesario. Esixe documentación nas accións que se van tomar neste sentido.

5 A empresa vai dar de alta a nosa web en directorios?

Relacionado co ponto anterior, este servizo é importante para atraer tráfico á nosa web. Se a empresa o ofrece, solicita un listado dos directorios xenericos nos que pensa dar de alta e, o que é ainda mais importante, dos directorios sectoriais de turismo. Este listado de directorios sectoriais será para nos, ademáis, unha proba do traballo no estudo do mercado e da competencia que teña feito a empresa.

6 Ofrécense servizos de marketing online?

Ademáis da web a empresa pode organizar campañas de publicidade online para atraer tráfico. Neste caso cada posibilidade debería vir especificada con como se mediría a eficacia destas accións (calcular o gasto publicitario por cada venda feita, por exemplo).

6 Se a web vai conter información actualizada, poderemos nos mesmos actualizala?

É dicir, cómpre ter claro se a web vai ter un xestor de contidos cos que cun navegador, un nome de usuario e unha clave poderemos modificar e engadir información á web.

Se é así, averigua se o xestor de contidos vai poder ser utilizado por varias persoa e se vai ser sinxelo de utilizar (os cursos de formación longos e a asistencia técnica poden disparar o orzamento).

7 A empresa ofrece formación e documentación?

Se imos utilizar un xestor de contidos debemos adicar parte dos recursos a formar á xente que o vai utilizar.

Tamén debemos saber se van ofrecernos documentación de axuda e en que formato (unha axuda online de acceso restringido, por exemplo).

8 Nos cursos de formación inclúese ademais a creación de contidos para a web?

A web resultante gañara en calidade se os que xestionan os seus contidos saben como escribir cun estilo axeitado para a web, engadindo ligazóns, fotografias, vídeos, etc. Moitas webs, pese a terem xestor de contidos, estragánse ao utilizar directamente documentos pensados para medios impresos.

9 Unha vez posta en marcha a web, poderemos acceder ás estatísticas de uso?

A empresa debería ofrecer un listado de relatorios aos que poderemos ter acceso. Tipicamente son:

• Visitantes únicos.
• Visitas totales.
• Páxinas vistas.
• Tempo medio na web.
• Desde que outras páxinas chegan as nosas visitas.
• Con que palabras chegan os usuarios desde os buscadores.

Se temos campañas online poderemos saber canta xente chega a través destas campañas. É posible, incluso, coordinar os métodos tradicionais de marketing coas estatísticas web.

10 A empresa ofrecenos un relatorio de uso tras un tempo en funcionamento da web?

Aínda que as cifras e relatorios básicos adoitan ser sinxelos para calquera persoa, hai datos que son mais difíciles de manexar. Un relatorio de uso pasado un tempo pode fazer aforrarnos moito tempo e darnos unha excelente perspectiva do funcionamento da web.

Desconfía, polo xeral, dos relatorios demasiado entusiastas: a web vai ter pontos conflictivos que só han verse co uso e que é preciso identificar.

11 A web vai cumprir a Lei de Protección de Datos?

Se utilizamos a web para recoller datos de carácter persoal, debemos asegurarnos de que cumplimos a lei. Encárgase a empresa disto?

Referencia na wikipedia da Lei Orgánica de Protección de Datos de Carácter Persoal.

12 Vanse utilizar estándares web?

Esixe que a web sexa criada con XHTML e CSS. Abarata custes de desenvolvemento e mantemento e funcionarán correctamente nun maior número de ordenadores.

Ademáis unha web para ser visualmente atractiva non ten que recurrir a tecnoloxías non estándar.

13 Vanse utilizar solucións de software libre?

No caso de ofreceren solucións de pago, a empresa debe xustificar ese investimento, xa que son poucas as ocasións onde non haxa unha solución en software libre igual de fiable e potente que unha de pago.

14 Temos que aloxar a web nun servidor propio ou nos solucina a empresa este aspecto?

Se estamos forzados a utilizar un servidor propio será preciso que lle facilitemos unha descripción á empresa así como políticas de uso que marque o departamento de sistemas.

15 A web vai ofrecer servizos que inciten aos usuarios a compartir os contidos?

Un bo xeito de potenciar a nosa presencia en internet é facilitar a redistribución de contidos da nosa web, utilizando servizos como Chuza, Meneame ou doMelhor, utilizar ficheiros RSS, servizos de favoritos como del.icio.us, etc.

16 Terá en conta a empresa a usabilidade da web?

Unha web fácil de utilizar para os usuarios influirá na percepción que teñan dos nosos productos e servizos.

E, como contrariamente tende a venderse, a usabilidade non é incompatible con deseños visuais espectaculares.

17 Cal é o grao de accesibilidade que vai cumplir a web?

Non esquezamos que se somos unha web dunha institución pública, debemos cumprir co nivel AA de accesibilidade segundo dicta a Lei de Servizos da Sociedade da Información e do Comercio Electrónico.

Na TAW poderás comprobar os errors de accesibilidade da tua web:

E aínda que non sexamos unha institución pública, unha web accesible ampliará o noso mercado, terá mais relevancia para os buscadores, tenderá a ser mais usable e cumprirá co dereito cidadá de acceso universal á información online.