O Galinheiro

Hoxe, día da Patria Galega, La Voz de Galicia presentou o esperado redeseño da súa web.

O primeiro que destaca é que segue as directrices básicas que marcaron as últimas reformas de diarios dixitais, desde elpais.com ata o recente redeseño de Vieiros.

Podemos enumerar algún deses cambios:

• Un deseño de páxina máis limpo, con máis espazo en branco e menos elementos que “distraian” a atención.
• Eliminación dos menús e todos os elementos da columna esquerda, deixando só un menú superior de dous niveis. Desta maneira utilízase todo o ancho da pantalla para mostrar as novas.
• O ancho cambio de estar optimizada para pantallas de 800 px a pantallas que soportan 1024 px, aumentando sensiblemente o espazo útil.

Nun primeiro análise, atopamos aspectos relacionados coa usabilidade e a optimización para buscadores dos contidos que poderían ser mellorados. Supoñemos que pouco a pouco optimizaranse estas cuestións:

Títulos sen o titular da nova

Os títulos das páxinas con novas non inclúen o titular da propia nova. Comparamos como o fai La Voz con outros dous diarios dixitais de referencia.

La Voz de Galicia

• Nova: Dos artefactos de escasa potencia explosionan al paso del Tour por Navarra.
• Título da páxina: La Voz de Galicia. España.

Vieiros

• Nova: Día de Galiza: Compostela, peneira da nación.
• Título da páxina: Vieiros: Galiza Hoxe - Día de Galiza: Compostela, peneira de nación.

El Mundo

• Nova: Policías municipales detienen en Francia al etarra Pablo Aperribay.
• Título: Policías municipales detienen en Francia al etarra Pablo Aperribay | elmundo.es.

La Voz de Galicia é a única que non ten o titular incluído no título. As solucións de Vieiros e El Mundo son bastante semellantes, aínda que se temos elexir quedámonos coa solución de El Mundo xa que o máis concreto e importante (o titular da nova) é o que primeiro aparece.

Actualización do 1 de agosto: Esta deficiencia do título xa foi correxida. Ao día de onte (non podo asegurar se foi antes) todas as novas de La Voz de Galicia tiñan o titular dentro do título de páxina. Eso si, non sabemos se tivo que ver o noso comentario .

Urls sen carga semántica

Outra práctica que mellora a experiencia dos usuarios e a optimización dos contidos para os buscadores é introducir o titular na url. Volvemos a comparar a solución da Voz coa doutros xornais dixitais.

La Voz de Galicia

• Nova: Dos artefactos de escasa potencia explosionan al paso del Tour por Navarra.
• URL: www.lavozdegalicia.es/espana/2007/07/25/0003FD87CB45D4A6BC84007053BE7362FB4C.htm.

Vieiros

• Nova: Día de Galiza: Compostela, peneira da nación.
• URL: www.vieiros.com/nova/60012/dia-de-galiza-compostela-peneira-da-nacion.

El País

• Nova: El Solitario se envalentonó tras saber que no iba a ser entregado de forma inmediata a España.
• URL: www.elpais.com/articulo/espana/Solitario/envalentono/saber/iba/ser/
  Segue: entregado/forma/inmediata/Espana/elpepuesp/20070725elpepunac_13/Tes.

A diferencia de La Voz de Galicia, tanto en Vieiros como en El País as urls conteñen os termos fundamentais da nova. Eso si, cremos que a solución de Vieiros é máis limpa e efectiva.

Aínda hai moitos cambios que analizar, como os elementos de participación dos lectores, pero eso será en seguintes entradas que aquí publicaremos.

Entradas relacionadas

• Arquitectura da informaçom e usabilidade na Reforma de Vieiros.
• Arquitectura da Informação e Usabilidade na Reforma de Vieiros (II): base teórica.
• Reforma de Vieiros: Na pesquisa da solução (III).

This entry was posted on Wednesday, July 25th, 2007 at 8:35 pm and is filed under usabilidade, desenho de informação, casos práticos, Diarios dixitais, La Voz de Galicia. You can follow any responses to this entry through the RSS 2.0 feed. You can leave a response, or trackback from your own site.